Poxa de libros
14 de marzo Comezamos a xornada xogando un bingo no que o público xuvenil que nos visitaba ía conseguindo puntos para logo cambialos por “diñeiro”. Despois de rematar o xogo cada un tiña que facer contas dos puntos obtidos e co resultado facíaselles un cheque do mesmo valor. Con ese “diñeiro” podían poxar nunha poxa polos libros que quixesen.
Universo de contos
21 de novembro Promociona-T de Vigo, asistiu á biblioteca Xosé Neira Vilas, como parte do programa Achegando Culturas, onde descubriron unha chea de cousas novas sobre o Universo e diferentes libros moi interesantes para pescudar algunhas curiosidades sobre a Vía Láctea, as viaxes ao espazo ou sobre as constelacións.
Para finalizar a visita creamos o noso propio planisferio para poder coñecer cales son as constelacións que podemos observar cada noite dende onde nos atopamos.
Me gusta esto:
Me gusta Cargando...
Relacionado
Publicado por Biblioteca Xosé Neira Vilas
A biblioteca “Xosé Neira Vilas” é unha biblioteca pública, tanto pola titularidade, que é municipal, como polas persoas ás que se dirixe: ao conxunto da cidadanía sen ningún tipo de distinción de idade, raza, sexo, relixión, condición ou opinión.
A parte de prestar os servizos tradicionais dunha biblioteca, pon énfase no desenvolvemento de servizos e recursos adaptados ás necesidades culturais e informativas específicas do seu contorno establecendo vínculos de cooperación coas organizacións cidadás da súa área de influencia.
A súa misión é a de ser un centro territorial de comunicación, información e promoción lectora; un espazo referente para a zona, no que a veciñanza acude para xerar demandas, satisfacer as súas necesidades ou simplemente un lugar de encontro, integrador das distintas sensibilidades sociais e vitais que coexisten e conviven ao seu redor.
Ver todas las entradas de Biblioteca Xosé Neira Vilas
Achegando culturas 